» »

Hanabut - Oleh Banda Minarta

salam'alaikom mula lam sajak.
saleum keu bapak mandum loen sapa.
dua krek bareh ca,e uloen sak.
sare ateuh rhak meu atoe banja.

dirui angen poet didalam barak.
puteh sang meuplak leupi lam dada.
geulantoe loen bie bungkoh boeh salak.
maka lam lapak atoe ceurita.

kadang di cut poe na sajan cut kak.
timphan pisang wak geu ubah rasa.
ka beungeh abu geupeh bak talak.
meuseubab cangklak di peugah haba.

.
pakiban reuboh mangat jeut masak.
pakiban lagak  jeut rawoet haba.
pakiban mata jeut taboeh cilak.
pakiban becak jeut peuding guda.

padum na pangkai jeut peudong lapak.
padum martabak jeut taboeh harga.
padum na geuhoen gapeuh jeut tasak.
padum boh gampak tapeh keu bara..

pajan keuh imboen meu ubah pirak.
pajan keuh sajak beupah lam kata.
pajan keuh tulo di peucrok ak'ak.
pajan keuh jiplak ta tupat beda..


kadang ngen laen haba geureutak.
bah lee loen seunthak bak kaye ara.
kadang peunutoeh dimiyup tapak.
bah lee loen peutak ulee kugisa..





Baca Juga

Related Posts

— ,